Эрүүл мэнд::
Дөнгөж эхэлж буй ханиадыг антибиотик нам дарах уу?

-Ханиад дөнгөж хүрсэн үедээ хоёр ширхэг нимбэгний шүүсийг шахаж халуунаар нь уувал сайн гэж үнэн үү?
-Тун хэмжээг тохируулахгүй замбараагүй хэрэглэвэл хичнээн нимбэг шахаж уугаад ч үр дүнгээ өгөхгүй. Харин ч бүр харшил үүсгэх магадлалтай. Нимбэгний шүүсийг дангаар нь их тунгаар уувал өвчтэй хоолойг улам цочроож бас нэг өвчин нэмнэ.

-Ханиад дөнгөж хүрсэн үедээ С витаминыг их хэмжээгээр уувал амархан дарагддаг гэдэг үнэн үү?
-”С” витамин нь амин дэм юм. Энэ нь юуны өмнө хүний бие махбодын судас бэхжүүлэхэд тустай. Нимбэг, С витамин зэргийг зохих тунгаар хэрэглэхэд аажмаар үр дүнгээ өгнө. Ямар ч өвчин ганц далайлтаар ч юмуу, эсвэл ямар нэгэн зүйлийг их тунгаар уулаа гэхэд эдгэрэх нь тун ховор.

-Ханиад дөнгөж хүрсэн үедээ сонгино хэрчээд үнэрлэвэл вирүс нь арилж ханиад амархан эдгэдэг гэж үнэн үү?
-Үнэний ортой. Гэхдээ зүгээр л дан сонгино үнэрлээд байж болохгүй. Дээр нь нунтагласан сармис нэмж хийх хэрэгтэй. Тэгээд сайтар холиод 10-15 мин үнэрлэж амьсгалбал тодорхой үр дүнд хүрнэ.

-Ханиад дөнгөж хүрсэн үедээ сонгино сармисаар хамар чихээ бөглөвөл ханиадны вирүс амархан арилж ханиад дорхноо эдгэдэг гэж үнэн үү?
-Ханиадаа эдгээж байгаа нь гээд хамар чихэндээ нунтагласан сонгино сармис хийж огт болохгүй. Ингэх нь хамар чихний салст бүрхэвчийг гэмтээж цочрооно. Тэгээд ч зогсохгүй маш нарийн зохилдлогоотой салстыг түлэгдэхэд хүргэдэг.

-Ханиадыг дөнгөж эхлэх үед нь хүчтэй антибиотик уувал амархан дарагддаг гэж үнэн үү?
-Эм хэрэглэхээсээ өмнө эхлээд ханиадны шинж тэмдгийг заавал тодруулаарай. Ямар ч тохиолдолд хүчтэй антибиотик нь элгийг гэмтээх аюултай.

-Энгийн ханиадыг халуун аарц, цай, сүү зэрэг хоол хүнсээр эмчилбэл амархан дарагддаг гэж үнэн үү?
-Энгийн ханиадыг халуун аарц, сүү, цай, сармистай шөл гэх мэтийн энгийн аргаар эмчилбэл илүү үр дүнтэй. Энгийн ханиаданд антибиотик хэрэглэвэл харин ч сөрөг үр дагавартай.

-Уламжлалт анагаах ухааны аргаар ханиадыг амархан эмчилдэг гэх юм?
-Уламжлалт арга олон янз байдаг. Тан уух, зүү тавиулах, төөнүүр хэрэглэх, янз бүрийн амьтны мах, шөл, баас шээсээр эдгээх гэх мэтийн аргууд түгээмэл байдаг. Эдгэдэг байхыг үгүйсгэхгүй. Гэхдээ энгийн ханиаданд өөрсдийгөө эмчлэх хэрэггүй л болов уу.

www.T1771.Tk