Унгар улсын Гедеон Рихтер үйлдвэрийн хүсэлтээр

1. Миллигест №21 нийлмэл шахмал

БНХАУ-ын "Yangzhou Xier Kangtai” үйлдвэрийн

2. Амоксициллин 250мг капсултай эмийг бүртгүүлэгч байгууллагын хүсэлтээр улсын бүртгэлээс хассан

Монголчууд "Парацетомол”-ыг их тунгаар хэрэглэдэг. Гэтэл элэг хатууруулах, ходоодонд шарх үүсгэдэг гэмтэй аж. Мөн зарим антибиотекийг жирэмсэн үед хэрэглэвэл ургийн хөгжил сааруулдаг байна. Жишээлбэл, "Тетрациклин” шүд, ясанд нөлөөлдөг бол "Гентамицин”, "Стрептомицин” нь дүлий болгох, сонсгол муутгах үйлчилгээтэй гэнэ. Түүнчлэн нянгийн эсрэг үйлчилгээтэй нитрофураны бүлгийн эмүүд буюу "Фурагин”, "Фурадонин”, "Фуразолидон” зэрэг нь ургийн шарлалт хэвийнхээс илүү болоход нөлөөлдөг байна. Энэ мэтчилэн та бидний эдгэрэх гэж уудаг олон төрлийн эмнүүд эмийн жагсаалтаас аль хэдийнээ хасагдчихсан байхад худалдаалагдсаар л байна. Тодруулбал:  Гэдэс өвдөхөд уудаг  фталазол гэдэг эм нь бараг таван жилийн өмнө эмийн жагсаалтаас хасагдсан ч одоог хүртэл зарагдаж байх нь  эмийн худалдаанд хяналт байдаггүйг харуулж байгаа хэрэг мөнөөс мөн юм.

Эмийн бүртгэлээс эмийг хасахад тухайн үйлдвэрлэгч компани нь тухайн улсын зах зээлийг жижиг ч гэдэг юмуу ямар нэгэн ашиггүйгээр ажиллаж байгаа тохиолдолд хасдаг. Мөн эмийн бүртгэлээс хасдаг нэгэн шалтгаан нь тухайн эмээс ноцтой ямар нэгэн зүйл илэрч олон хүний амь насанд хүрсэн, тахир дутуу болгосон гэх зэрэг гаж нөлөө үзүүлсэн тохиолдолд хасдаг. Түүнчлэн ард иргэдийн гомдол, санал мэргэжлийн эмч нарын дүгнэлт, Мэргэжлийн хяналтын газраас хасах хүсэлт гаргавал хасч болдог байна. Харин манайд Мэргэжлийн хяналтын газар болон эмнэлгүүдээс эм хасах талаар ямар нэгэн санал гардаггүй. Эмч нар нөгөө л бичиж сурсан эмээ бичээд өгчихдөг. Ерөнхийдөө улсын бүртгэлд бүртгэгдсэн эмийн бүртгэл Польш, Герман, Унгар Орос зэрэг улсын цөөн тооны эмүүдийг хассан байгаа. Энэ нь бүртгэлийн хугацаа нь дууссан шалтгаанаар хасагдсан. Жишээлбэл Унгар улсад үйлдвэрлэгддэг преднизолон гээд эм уухаар, Польш улсад үйлдвэрлэгдсэн Лорендин А, С гээд арьсанд түрхдэг мазууд, Америкийн Антифлю гээд дусаалга гэх мэтчилэн эм, эмийн бүтээгдэхүүн хасагдсан байна. Манай улсад төрөлхийн гажигтай хүүхэд сүүлийн жилүүдэд олширсон. Энэ нь эмийн зохисгүй хэрэглээнээс үүдэлтэй байж болзошгүй гэсэн дүгнэлтийг эмч, судлаачид ч гаргасан байна. Иймээс аливаа эмийг хэрэглэхдээ эмчийн зааврын дагуу, зөв зохистой хэрэглэх нь чухал юм. Мөн Хуурамч эмийн хяналт манайд сул байгаа нь ийм тохиолдлыг улам бүр нэмж ард иргэд туршилтын туулай болсон хэвээр байгаа юм. Хилээр ямар нэгэн хяналт шалгалтгүй орж ирсэн эм, эмийн бүтээгдэхүүнд хордож амь насаа алдсан тохиолдол байхыг үгүйсгэх аргагүй юм. Монгол Улсын хөгжилд үйлдвэрлэл чухал үүрэгтэй боловч ийм зүй бус хэрэглээг хөхиүлэн дэмжсэнээр үндэстнээ аюулд оруулах зам ойрхон болж байгааг хууль дүрэм зохиож байгаа эрхмүүд анхааралдаа авч, эмийн хэрэглээ гэдэг зүйлийг хууль журмандаа нарийн тусгаж өгөх хэрэгтэй болоод байна. Хоёр сая гаруйхан хүн амтай Монгол Улсад 1891 нэр төрлийн эм бэлдмэлийг хэрэглэхийг зөвшөөрч албан ёсоор бүртгэжээ. Үүнээс 170 нэр төрлийн төрлийн эмийг түгээмэл хэрэглэдэг гэх судалгаа бий. Түүнчлэн 34 эмийн үйлдвэр, 190 гаруй эм ханган нийлүүлэх байгууллага, 1200 гаруй эмийн сан үйл ажиллагаагаа хүн хордуулан аажим аажмаар алж явуулсаар байна. Нөгөө талаар Эмийн худалдаанд тавих хяналтыг Мэргэжлийн хяналтын газарт хатуухан даалгаж, салбар хариуцсан яам, хэрэгжүүлэгч агентлагууд анхааралдаа аваасай. Үнэхээр л "Эмийн үндэсний бодлого нь Монгол Улсын Үндэсний аюулгүй байдлыг хангах нэгдмэл бодлогын салшгүй хэсэг” юм бол ЭМЯ энэ талын судалгааг тогтмол хийж, хяналт чангатгах хэрэгтэй юм биш үү…

Ө.Анхаа

www.T-1771Music.co.cc