Эрүүл мэнд::

  Хамар битүүрч, хоолой өвдөхөд яах вэ

Хамар битүүрэх үед яах вэ. Хамар битүүрэх нь ихэвчлэн судас тэлснээс болдог. Судас тэлэх шалтгаан нь хоёр янз. Нэг бол үрэвсэл, эсвэл харшил. Хэрвээ үрэвсэл бол хамраа угаалгахад зүгээр болно. Харин харшлын гаралтай бол угаагаад ямар ч нэмэргүй.

Харшил ихэнхдээ эмнээс болж үүсдэг. Харшлын гарал­тай эсэхийг батлахын тулд эозинофил тоолох шинжилгээ өгч болно. Ингээд онош бат­лагд­­вал хамрын самал­даг руу гидрокортизон тарих эмчилгээ үр дүнтэй.

Тэгвэл хоолой өвдөх, загат­нах, хуурай ханиах үед ямар эмчилгээ хийх вэ. Танд дээрх зовиур дөнгөж эхэлж байгаа бол яаран эм уухын оронд жимстэй цай уугаад үз. Эм бол нэг талаар эмчилгээ болох ч нөгөө талаар хор шүү дээ.

Тиймээс ялимгүй хоолой өвдөх янзтай бол жимстэй цай халуун бүлээнээр нь уугаад үзээрэй.

Ингэхдээ найрлагадаа но­хойн хошуу, долоогоно, жүрж, аньсны навч агуулсан цай хэрэглэх хэрэгтэй. Цай үр дүнгүй бол хамар залгиурын нянгийн үржлийг зогсоох, дархлаа дэмжих зориулалт бү­хий амин дэмээр баяжуулсан био­бэлдмэл хэрэглэхийг зөвлөе.

Түүнчлэн жамц давс, содын уусмал, эсвэл царван­гаар хоо­лойгоо зайлж болно. Хоолой сэрвэгнээд  байвал халуун сүү уух хэрэгтэй. Төмсний уур, халуун аарц хоолой өвдөхөд сөрөг нө­лөөгүй. Харин хуурай ха­ниах үед зүгээр гэдгийг сануулъя. Хоолой өвдөж байхад хуу­рай ха­ниах зэрэгцвэл цэгэн иллэг  хамгийн ашигтай. Гичтэй халуун усанд хөлөө дүрэх нь хоолойн өвчнийг намжаахаас гадна хуурай ханиалгад маш сайн аж.