Эрүүл мэнд::
Хийжүүлсэн ундаа, жүүснээс татгалзвал
чихрийн шижингүй амьдрах боломжтой


Эмэгтэйчүүд эдгээр чихэрлэг ундаануудыг эгнэгт мартах хэрэгтэй. Тэдний хувьд хамгийн шилдэг сонголт бол цэвэр ус, ногоон цай, кофе юм. Эрдэмтэд 80 мянга гаруй эмэгтэйн биеийн байдалд арван жилийн туршид ажиглалт, судалгаа хийсэн бөгөөд чухам эдгээр ундаанууд чихрийн шижин үүсэх магадлалыг бууруулдаг болохыг олж мэджээ. Тэд мөн чихэрлэг ундаануудыг усаар шингэрүүлэх нь ямар ч үр дүнгүй зүйл гэдгийг онцолж байна. Тэрний оронд зүгээр цэвэр ус уух юм бол чихрийн шижин өвчний асуудал үүсэхгүй гэнэ. Харвардын нийгмийн эрүүл мэндийн сургуулийн доктор Фрэнк Хугийн өгүүлснээр бол эрдэмтэд аль эртнээс л амтлаг ундаануудын хор хөнөөлийн талаар ярьж эхэлсэн аж. Тэгвэл энэ удаа эрдэмтэн эр нөхцөл байдалд нарийвчилсан дүн шинжилгээ хийхээр шийдвэрлэжээ.

Доктор Ху хамтран ажиллагсадтайгаа нийлж 82902 америк эмэгтэйн хоолны дэглэм болон эрүүл мэндийн байдлыг өгүүлсэн 12 жилийн мэдээллийг цуглуулж дүгнэв. Энэ хугацаанд 2700 эмэгтэйд чихрийн шижин өвчин илэрсэн байна. Ууж байгаа усны хэмжээ энэ өвчнийг үүсч хөгжихөд огт нөлөөлж байгаагүй гэнэ. Харин чихэрлэг ундаануудад дурлаж байсан эмэгтэйчүүд энэ өвчинд ихээр нэрвэгджээ. Өдөрт нэг аяга жүүс юм уу хийжүүлсэн ундаа ууж байсан эмэгтэйчүүд чихрийн шижин өвчнөөр өвчлөх магадлал 10 хувиар нэмэгдэж байсан аж. Хэрэв үүнийхээ оронд тэр эмэгтэй ердийн цэвэр ус ууж байсан бол энэ магадлал найман хувиар буурах байжээ. Чихэр багатай цай юм уу кофе уувал арай дээр. Хийжүүлсэн ундааны оронд эдгээрийг уувал өвчлөх магадлал харьцангуй буурч байсан аж.

www.T1771.Tk