Эрүүл мэнд::
Өвчин аминд хүрдэг ч, ордог ч

Бат итгэл суусан үзэл санаа худлаа болохыг үзэх хэцүү байдаг байх. Дандаа ялаад байх юм шиг санагдсан нам, улс төрийн хүчин хүртэл  ээл­жит сонгуулиар хусагд­чих­аж байна.

За тэр ч яахав. Бид үр хүүхдээ эрүүл саруул өс­гөх гэж хэрэндээ л чар­дайдаг даа. Өвчин хууч­тай болчихвол мянган эд хөрөнгө, эрх мэдэлтэй байгаад ямар хэрэг байна гэж ирээд л ёстой ухаан­тай үг олчихсон аятай сургадаг. Гэтэл цагаа ту­лахаар тийм биш байсныг нэлээд олон то­хиол­долд харлаа. Ту­хайл­бал шүүх цагдаад дуу­дагд­сан, улмаар  ял­лагдсан томцуул нөгөө газар луу ачигдахгүй үл­дэх гарц  нь эрүүл мэн­дийн асуудал юм билээ.  Мөд эдгэхээргүй суурь өвчинтэй бол тэрнийгээ хэлээд л шорон руу биш эмнэлэг рүү явчихаж байна. Тэгэхээр юмыг яаж мэдэхэв. Туг барьж явтал гэнэт тугал хариулах бол­чих ч юм билүү. Тэр үед цоо эрүүл цохиж явбал  төрүүлж өсгөсөн аав, ээж­дээ баярлахгүй нь. Ер нь өвчин оёг амьдралд хэрэг болох явдал шинэ юм биш. Дээхнэ цэрэг тат­ла­гаас зугтсан залуучууд өөрөөсөө өвчин хайгаад олдохгүй болохоор нь зориуд өвчилж байсан шүү.

Янз бүрийн тохиол­долтой учрах бүрдээ төвөгшөөн сайн эсвэл муу гэсэн хоёрхон дүнг тавьдаггүй л юм байна. Өвчин хүртэл өөрийн гэсэн гэрэл сүүдэртэй байхаар чинь одоо яал­тай билээ.

Ж.ГАНГАА  www.T1771.Tk