Гэмт хэрэг::
Дөнгөж төрсөн үрээ халуун нураманд хийж хөнөөсөн эх 2-хон жилийн ял сонсов
Эх хүнээс гарах нь бүү хэл түүний
үйлдсэн хэргийн талаар сонсоход ч жихүүцэм аймшигтай хэргийг үйлдсэн
Н.Шүрэнцэцэгт холбогдох хэргийг Сүхбаатар дүүргийн шүүх шүүн хэлэлцжээ.
Тэрбээр 1992 онд Улаанбаатар хотод төрсөн, эрхэлсэн тодорхой ажилгүй,
хоёр настай охин, ээж, аавын хамт Дамбадаржаад амьдардаг байж.
Н.Шүрэнцэцэг гэгч энэ эмэгтэй өнгөрсөн нэгдүгээр сарын 09-нд
гэрийнхнээсээ нууцаар жорлондоо хоёр дахь хүүхдээ гаргаж, өөрийнхөө
гараар хүйг нь таслажээ. Төрсөн нялх үрээ уйлахад нь аманд нь дамсаг
буюу ариун цэврийн хэрэглэлээ чихэж, бяцхан хүүгээ поошигон дахь халуун
нурманд хаясан байх юм.
Онц харгис хэрэг үйлдсэн тэрбээр
ингэснийхээ дараагаар их хэмжээний цус алдаж, жорлонгийнхоо үүдэнд ухаан
алдан унасан байна. Энэ үед гаднаас орж ирсэн ах нь түүнийг харж,
гэрийнхэндээ хэл дуулгаснаар яаралтай түргэн тусламж дуудсан байна.
Түргэн ч цаг алдалгүй ирж Н.Шүрэнцэцэгийг эмнэлэгт хүргэжээ.
Ингэснээр түүний үйлдсэн аймшигт хэрэг илрэх сэжүүр гарч, мэргэжлийн эмч
нар ар гэрийнхнийг нь "Энэ охин чинь саяхан амаржсан юм байна. Хүүхдийг
нь олж ир” гээд явуулжээ.
Ээж, ах хоёр нь гэртээ ирээд хашаа болон жорлондоо нэгжлэг хийснээр поошигноос өрөөсөн тал нь шатсан нярайн цогцос олсон гэнэ.
Уг нь хүүхэд нь төрөх хугацаандаа төрсөн бөгөөд ямар нэгэн дутуу төрөлт биш гэдгийг эмч нар тогтоожээ.
Ингээд нялх үрээ өөрийн гараар хөнөөсөн Н.Шүрэнцэцэгт Эрүүгийн хуулийн
тусгай ангийн 91.1-д заасны дагуу "хүний амийг санаатай хохироож, нуун
дарагдуулсан” гэж буруутган шалгасан байна.
Н.Шүрэнцэцэг шүүх хурлын үеэр мэдүүлэг өгөхдөө "Би гэрийнхнээсээ айсан.
Манай аав, ээж хоёр "Өмнөх эцэггүй хүүхдээ яая гэж байхад дахиад хүүхэд
гаргавал ална шүү” гэдэг байсан. Тиймээс би жирэмсэн гэдгээ тас нуусан.
Тэгээд ч таван сартай байхад нь мэдсэн.
Ямар ч арга хэмжээ авч чадаагүй юм. Миний охины эцэг хүүхдээ төрсний
дараа сураггүй алга болчихсон. Тэгээд би дахиад нэг залуутай танилцсан.
Гэтэл түүнээс хүүхэдтэй болсноо хэлтэл дахиад алга болчихсон. Тэгээд би
эцэггүй хоёр хүүхэд өсгөхийг хүсээгүй юм” гэжээ.
Шүүх бүрэлдэхүүн хэргийг хянаад түүнд хоёр жил хорих ял оноосон
байна. Гэхдээ ял эдлэхийг хоёр жилээр хойшлуулсан. Учир нь, түүний охин
хоёр настай учраас ялыг ийн хойшлуулжээ.
Эх хүнээс байтугай хүнээс гарамгүй авир гаргасан энэ ээжид хэлэх ч үг байтугай бодох ч бодлын зай гаргахад хүнд юм.
Юутай ч "хэцүү” мэдээлэл амралтын өдрөөр дуулгасандаа хүлцэл өчье.[www.T1771Music.Ucoz.Net]