Гэмт хэрэг:: Монгол оюутнуудыг зодсон хэрэг гарчээ - 30 September 2013

Гэмт хэрэг::

Монгол оюутнуудыг зодсон хэрэг гарчээ

Берлин хотноо суралцдаг хоёр монгол оюутныг метро (S-Bahn)-нд явж байхад нь зодсон хэрэг энэ сарын 21-ний өдөр болсон байна. Бүлэг залуучууд уг хэргийг үйлджээ. 28, 24 настай хамаатан болох монгол хоёр оюутан хөнгөн бэртэл авч харин хэргийг үйлдэгчид зугтаж амжсан аж.

Тодруулбал, уг хэрэг орон нутгийн цагаар 00.25 цагт "S25" чиглэлийн метроны Хоешөнехаузен, Шпрингпфул буудлын хооронд гарчээ. Монгол оюутнуудыг метронд орж ирэхэд нь үндсэрхэг үзэлтэй 5-6 залуу доромжилж, нэгийг нь барьж аван нүүр рүү нэг бус удаа цохисон байна. Цуг явж байсан нөгөө монгол нь түүнд туслах гэсэн боловч бас л зодуулсан аж. Холбооны цагдаагийн газрын хэвлэлийн төлөөлөгчийн мэдэгдсэнээр гэмт этгээдүүд 28 настай оюутны гэдэс рүү нь өвдгөөрөө цохисон гэнэ. Энэ үед метронд явж байсан гурван эмэгтэй Цагдаагийн газарт мэдэгдсэн байна. Хууль сахиулах байгууллагынхан хэргийн газарт хүрэлцэн ирсэн ч хохирогч болон гэмт этгээдүүд Шпрингпфул буудалд буусан байж. Гэмт этгээдүүд хэргийн газраас зугтахдаа хохирогчид руу шил шидсэн боловч азаар оноогүй гэнэ. Зодуулсан гэх хоёр монгол оюутан эмнэлгийн тусламж авахаас татгалзсан хэмээн Холбооны цагдаагийн газраас мэдэгдлээ.

Ю.Дэлгэрмаа /Берлин дэх сурвалжлагч, Өдрийн сонин

UB Clock

Menu

Your Banner

Site Traffic

Best Albums

Chat Box

Banner

Цаг агаар

Шилдэг гишүүд

Statistics

Like box

Golomt Bank

Site Online

Reklam

Голомт Банк

Login form

Playlist mp3

Flag Counter

Panasonic

Шинэ гишүүд

Family Life

Search

...

Block title