Ярилцлага::
Хатагтай Иокогийн амьдралаасаа суралцсан таван зарчмыг сонирхуулъя.
-Хүмүүс таныг "Битлз” хамтлагийг тарахад хүргэсэн хэмээн буруутгадаг. Та үүнд хэрхэн ханддаг вэ?
-Жорж Харрисоны хийсэн саяхны кинонд Леннон "Би хамтлагаас гарлаа.
Би "Битлз”-ийг тараах болно” хэмээн
хэлдэг. Гэхдээ мэдээж тэр "Битлз” хамтлагийг тараагаагүй. Тэдний хэн хэн
нь цаашид хамтдаа байхыг хүсч байсан. Тэр дундаа Пол Битлзтэй,
бусадтайгаа хамт байхын төлөө маш их хичээсэн. Тэр угаасаа л тийм хүн.
Гэвч хүн бүр өөр өөрийнхөө замаар явахыг хүссэн. Бид бүгд л үүнийг
хүсдэг шүү дээ.
-Гэхдээ хамтлаг тарахад ямар нэг нөлөө байсан л байж таарна?
-Мэдэхгүй юм даа. Тэдний хэнийг нь ч буруутгах арга байхгүй. Тиймээс л би хамгийн амар бай нь болсон байх.
-Өөрөөр хэлбэл таныг золионд гаргасан гэсэн үг үү?
-Тийм шүү. Би бол тэдний золигт гаргасан хүн. Ази хүн, мөн эмэгтэй хүн байснаараа би гай болсон хэрэг л дээ.
-Гэхдээ одоо энэ бүхэн таныг шаналгахаа
больсон биз дээ. Магадгүй та үүнд хэрхэн хандах аргаа олсон байх. Учир
нь энэ тухай асуухад та зүгээр л инээмсэглэж байна?
-Хамгийн чухал нь надад Жон байсан. Жон
намайг маш их дэмжиж, бас хамгаалдаг байсан. Хэрвээ Жон миний дэргэд
байгаагүй бол тэр үед үнэхээр хүнд байх байсан болов уу. Харин Жоныг
нас барахад жинхэнэ хүнд байдалтай нүүр тулсан даа.
-Тэгвэл та тэр хэцүү бүхнийг хэрхэн даван туулсан бэ?
-Би өөрийгөө их азтайд тооцож байна. Би
хүчирхэг эмэгтэй ямар байдгийг мэдэхгүй. Гэхдээ би тухайн нөхцөл байдлыг
даван туулах хэрэгтэй байсан. Тухайн үед миний хүсч байсан нэг зүйл бол
амьд байх, амьдрах. Өөрөөр хэлбэл би үхэхийг хүсээгүй. Тиймдээ ч
амьдарсаар байна.
Хатагтай Иокогийн амьдралаасаа суралцсан таван зарчим
1.Таны бодол таны төсөөлс¬нөөс ч илүү
агуу. Хэдэн жилийн өмнө би найзтайгаа төв паркаар алхаж явтал тэр надад
"Алхаа чинь удааширч байна. Тэгэхээр чи ямар нэг зүйл бодож байгаа
бололтой” хэмээн хэлсэн юм. Түүний зөв байсан. Тэгээд би алхаагаа
түргэсгэж, бодлоо сарниу¬лахыг хичээлээ. Хэсэг хугацааны дараа тэр дахин
"Чи дахиад л бодоод байна даа” гэж хэлсэн. Тэр үед би бодол санаа хүний
биеийн бүх хэсэгт нөлөөлдөг учраас бодож байгаа зүйлээ хянах хэрэгтэй
гэдгийг ухаарсан юм. Одоо бол уур маань хүрэх үед яагаад би үүнийг
мэдэрч байна вэ гэж асуудаг болсон.
2.Дэлхийг өөрчлөх нь бидний нэг насны
даалгавар. Жон бид хоёр тайван л байвал бүх зүйл сайхан болно гэж
итгэдэг байлаа. Гэвч бид бодсон шигээ тэвчээртэй байгаагүй юм. Харин
одоо бидний бодсон зөв байж гэдгийг ухаарч байна. Бид ихэнхдээ идэвхтэй
ажиллах нь ямар үр дүнтэй байдгийг төдийлөн анзаардаггүй. Азаар сүүлийн
үед олон хүн идэвхтэй ажилладаг болж. Нөхцөл байдлыг сайжруулахын тулд
бид хамтдаа бас идэвхтэй ажиллах хэрэгтэй.
3.Саад бэрхшээлтэй нүүр тулах хэрэгтэй.
Зовж шаналсан үедээ өөрийгөө тайвшруулах гэж хичээсний хэрэггүй. Зүгээр
л сэтгэлээ зөнгөөр нь зовоож, дараа нь гарах гарцыг нь хайх хэрэгтэй.
Өдөр бүр шинэ асуудлуудтай тулгарах бүртээ би өөрөөсөө "Би хамгийн
сайнаараа хийж байна уу?” гэж асуудаг. Би нэг л амьдарна. Тиймээс сайхан
амьдрахыг хүсч байна.
4.Урлагийг бүтээх нь түүн шиг үнэ
цэнэтэй байдаг. Уйтгар гуниг, уур хилэнг мэдэрснээр та илүү бүтээлч
болж, бүтээлч байдлыг мэдэрснээр зовлон шаналал, сөрөг бодлоо ардаа
орхих болно.
Миний бүтээлд хүмүүс хэрхэн хариу өгөх
нь тийм ч чухал биш. Гэхдээ мэдээж өөр өөрийн өнцгөөс харвал сайн. Би
өөрийгөө илэрхийлэх үедээ л жинхэнэ эрх чөлөөтэй байдаг.
5.Аз жаргалтай байхад хичээл зүтгэл хэрэгтэй. Жоныг нас барсны дараа миний уй гашуу царайнаас минь илт харагддаг байлаа.
Би үргэлж л уйлж унжиж, сэтгэлээр унаж,
дүнсгэр царайлж байлаа. Харин нэг өдөр миний гуниглал, байгаа байдал
маань хүү Шонд хэцүү байгааг ойлгон толинд харан хүчээр инээмсэглэх гэж
оролдсон.
Эхэндээ их л хиймэл харагдаж, өөртөө
"Ингэвэл болох болов уу?” хэмээн шивнэж байлаа. Гэвч олон удаа оролдсоны
эцэст инээмсэглэл маань тийм ч хуурамч санаг-дахаа болж, эцэстээ бүх
бие инээмсэглэх болсон. Одоо бодоход энэ л намайг аварсан байх.