Монголчуудыг 16 жилийн турш шулаад ч цадаагүй "Мобиком” одоо бүр
улсын төсвөөс мөнгө цохьдог болох нь. Тодруулбал, Нийслэлийн Засаг
даргын Тамгын газраас "Мобиком” компанид сар бүр 6.8 сая төгрөг төлөхөөр
болов.
Яг яасан гэж "Мобиком”-д ийм хэмжээний мөнгө төлөх болсон нь их
сонирхолтой. НЗДТГ-ын Хяналт шинжилгээ, үнэлгээний хэлтэс "Мобиком”-той
хамтран "Улаанбаатар сонсож байна” мэдээллийн нэгдсэн лавлах товчоог
ажиллуулах юм гэнэ. Энэ товчоонд иргэд хандаж, санал хүсэлтээ НЗДТГ-т
мэдээлж байх аж. Ердөө үүний төлөө л нийслэлийн төсвөөс "Мобиком”-д сар
бүр 6.8 сая төгрөг өгнө. Сард 6.8 сая төгрөг гээд бодвол жилд 81.6 сая
төгрөг төлж таарна. Тэгэхээр ирэх дөрвөн жилийн хугацаанд НЗДТГ-аас
Японы хөрөнгө оруулалттай "Мобиком” компанид 326 сая 400 мянган төгрөг
"бэлэглэх” юм байна. Үүнийг юу гэж ойлгох вэ. Улсын төсөв хуримтлалдаа
хахаж цацаад, гадаадын хөрөнгө оруулалттай хувийн хэвшлийн компанид
нийслэлийн төсвөөс "сул” мөнгө төлдөг бол 00 юу. Яасан баян улсад
амьдарч байгаа юм бэ, бид. Уг нь Улаанбаатар хотоор нэг өрхийн
орлогогүй, ядуу зүдүү амьдралтай, өдөр хоногоо яая гэсэн хүмүүс аж төрж
байна. "Мобиком”-д жилд төлөх 81 сая төгрөгөө энэ хүмүүст өгчихөөч дээ.
Зүгээр гудамжинд гаргаад цацчихаач.
"Мобиком”д төлөх татварынхаа талаар НЗДТГ- ынхан ийм тайлбар хийж
байна лээ. «Нийслэлийн төр захиргааныбайгууллагуудын үйл ажиллагааг
иргэдэд ил тод болгох зорилгоор нэгдсэн мэдээллийн төв баазыг
ажиллуулна. Ингэснээр нийслэлийн төр захиргаатай холбоотой санал,
хүсэлт, өргөдөл гомдлоо цахим хэлбэрээр болон утсаар өгөх боломжтой
болно” гэж байсан. Хамгийн гоё нь иргэд нийслэлд тулгамдаад байгаа
асуудлаа өөрийн оршин суугаа газарт ойрхон "Мобиком”-ын салбарт бичгээр
өгч болно гэсэн. Тэгэхээр нэг ёсондоо "Мобиком” төрийн үйлчилгээг
иргэдэд хүргэх зоэилготой "Нэг цонхны үйлчилгээ” гэдэг шиг байгууллага
болох гээд байгаа юм уу, хаашаа юм.
Нэг талаасаа иргэд утсаар гомдол, саналаа шууд хэлчихнэ гэхээр амар
байж болно. Гэхдээ Монгол Улсад тавын таван үүрэн холбооны оператор
байхад яагаад заавал "Мобиком”-ыг сонгосон юм бол. Үүнийг бусдаасаа олон
хэрэглэгчтэй гэдэг утгаар нь тайлбарлах байх. Харин гомдол, санал
хүлээж авах товчоонд хандахад ямар ч үүрэн холбооны сүлжээ хамаарахгүй.
Тэгэхээр "Мобиком” хэрэглэгчдийн тоо нь НЗДТГ-ыг "базах” шалтгаан биш
аж.
Ямартай ч "Мобиком”-д монголчуудыг шулж, дээр нь Монгол Улсын төсвөөс сая саяар нь "мөнгө саах” сайхан боломж бүрдлээ.
Өглөөний сонин Б.Даваахүү www.T1771.Tk
