MGL POP
MV
UB CITY
Tracklist

С.Сэрчмаа-"Хүүхдэд бид бөмбөрцгөө өгье”

Эх үрсийн баяр болох гэж байгаатай холбогдуулан дуучин С.Сэрчмаа хүүхэд багачууддаа зориулсан анхны дуугаа клипжүүлсэн байна. Яруу найрагч Р.Цэцэнцогтын "Хүүхдэд бид бөмбөрцгөө өгье” шүлгээр бүтсэн шинэ дууны аяыг хөгжмийн зохиолч Д.Пүрэвдорж зохиожээ.

Шинэхэн клипийг бүтээсэн "EZ entertainment” студийн найруулагч Б.Мөнх-Эрдэнэ "Клипийг өөрт тохиолдсон зүйлээс санаа аваад хийсэн” гэлээ. 

Тэрбээр "Нэг өдөр би ээжийндээ хоночихоод өглөө нь цонхоор харж байтал роллик унаж байсан хүүхэд гулгаж яваад машинд мөргүүлчихсэн. Гэтэл цаана нь барилга барих гээд хашаа барьчихсан байдаг. Үүнээс харахад  хүүхдийн тоглох тоглоомын талбай байтугай явган хүн явах талбай ч алга.  Бидний эргэн тойронд битүү барилга баригдчихсан байна. Хүүхдийн гэх орчин алга, үнэхээр гомдмоор. Ганц Улаанбаатар гэлтгүй хөдөө орон нутагт мал  бэлчих байтугай хүүхэд тоглох боломжгүй болтол газар шороогоо сүйтгэж, ухчихсан байна. Уг клипээр дамжуулан ард нь байгаа албан тушаалтнуудад энэ байдлаа зогсоогооч гэж хэлмээр байна” гэлээ.