Яагаад дэлхий дээр алт эрдэнэс бага байдаг вэ? Одон орон судлаачдын таамаглаж байгаагаар алт гэдэг үнэт металл нь сансар огторгуйд нэгэн сонирхолтой үзэгдлийн үр дүнд бий болсон аж. Олон зуун жилийн туршид алт хамгийн үнэ цэнэтэй металлын жагсаалтад дээгүүр бичигдэж байгаа билээ.

Орчлон ертөнцөд, тэр дундаа манай гараг дээр алт гэдэг эрдэнэс бага хэмжээтэй агуулагдаж байгаа учраас ийм үнэ цэнэтэй байхаас аргагүй юм. Одон орон судлаачид ч яагаад ийм байдгийг тайлж мэдсэн аж. Тэдний мэдэгдэж байгаагаар алт гэдэг үнэт металл нь маш ховор үзэгдэл буюу богино хэмжээний гамма цацрагуудын үр дүнд бий болдог гэнэ.

Энэ ховор металл бусад химийн элементүүдээс ялгаатай нь оддын дотор өрнөдөг халуун цөмийн урвалуудын үр дүнд боловсордоггүй аж. Алтыг бий болоход нейтронон оддын мөргөлдөөний явцад бий болдог богино хэмжээний гамма цацрагуудын үүсгэдэг их хэмжээний эрчим хүч шаардлагатай гэж эрдэмтэд үзсэн ч энэ нь маш ховор үзэгдэл юм. - See more at: http://www.wikimon.mn/content/50298.shtml#sthash.7oivv6mw.dpuf