Танин мэдэхүй::

 Секс тогтмол хийвэл уураг тархины үйл ажиллагаа идэвхждэг


Саяхан хайр дурлал гэгчийг жинхэнэ утгаар нь амталж, мэдрээд байгаа хүмүүсээс авсан цусны шинжилгээгээр тэдний мэдрэлийн эд эсүүдийн тоо мэдэгдэхүйц нэмэгдсэн нь тодорхой болжээ. Түүнчлэн гэр бүлийн харилцаанд ороод удсан, гоонь хүмүүсийн цуснаас шинжилгээ авч харьцуулсан байна. Павия их сургуулийн эрдэмтэд тухайн хүмүүс хамтдаа хэдий чинээ удаан байвал үзүүлэлт нь тэр хэмжээгээр буурдаг болохыг олж мэдэв.

Үүнийг эрдэмтэд дараахь байдлаар тайлбарлажээ. Шинэхэн хосууд бэлгийн харилцаанд тогтмол ордог тул элдэв сэтгэлийн хямралд автдаггүй аж. Хавьталт их байх тусам мэдрэлийн эсийн тоо төдий хэмжээгээр нэмэгддэг байна. Секс нь ой санамж болон суралцах чадварт нөлөөлдөг мэдрэлийн эд эсүүдийн тоог нэмэгдүүлдэг гэнэ.

Харин сэтгэлийн хямрал, гутрал зэрэг нь тэдгээрийн тоог бууруулдаг билээ. Бэлгийн идэвхтэй амьдралаар амьдардаг хижээл насны хүмүүс амархан зөнөдөггүй нь тодорхой болсон зүйл. Үүний шалтгаан тодорхой юм. Секс уураг тархинд очих цусны хэмжээг нэмэгдүүлж, хүчилтөрөгчийн түвшинг ихэсгэдэг байна. Дур ханалтын үеэр мэдрэлийн эсүүдийн идэвхжил маш өндөр байдаг аж. Тэд цуснаас хүчилтөрөгчийг их хэмжээгээр авдаг гэнэ. Дааврын хэмжээ ч уураг тархинд нөлөөлнө. Тестостерон агууламжийг нэмэгдүүлж, хариу үйлдэл хийх хурдыг ихэсгэдэг байна. Бэлгийн харьцааны үеэр окситоцины хэмжээ тав дахин нэмэгдэж, тайвшрал болон сайхан нойрсолтыг бий болгоно. Долоон хоногт гурваас доошгүй удаа дур ханалтыг амсдаг эрчүүд бусдаасаа урт насладаг нь тодорхой болжээ.

[www.T1771Music.Ucoz.Net]