Дэлхий дахинд::
Алсын удирдлага бүтээгч эр өөд болжээ
АНУ-д телевизорыг алсын зайнаас удирдах төхөөрөмжийг зохион бүтээж ихэд
алдаршсан инженер Южин Полли 97 насандаа таалал төгсөв. Тэрбээр 1955 онд
Zenith Electronics компанид ажиллаж байхдаа тэрхүү шинэ нээлтээ хийсэн
билээ. Нийтдээ зохион бүтээгч эр шинээр 18 бүтээл сэдэж олон оюуны
өмчийн эрх авчээ. Өөрийн хамтран ажиллагч Роберт Адлерын хамтаар тэр
1997 онд Америкийн телевизийн хамгийн нэр хүндтэй шагнал болох Emmy-гийн
эзнээр тодорсон юм.
Эмч нарын өгүүлж байгаагаар үхэл байгалийн
жамаараа ирсэн аж. 1955 онд Поллигийн зохион бүтээсэн удирдлага
Flash-Matic гэдэг нэртэй байсан бөгөөд телевизорыг тусгай кабелиэр
холбодог байсан удирдлагуудыг халсан билээ. Шинэ удирдлага дэлгэцийн дор
байх мэдрэг төхөөрөмж рүү гэрлийн тусгал өгсөнөөр дүрсийг идэвхжүүлэн,
сувгийг солигдоход хүргэж байсан юм. Энэ төхөөрөмж илүү боловсронгуй
болсноор өнөөгийн төрхөө 1980-аад онуудын үед олж авсан байна. Утасгүй
алсын зайн удирдлага удаан хугацааны туршид үнэтэй тоглоомд тооцогддог
байжээ. Кабелийн телевиз мэндэлж, хүмүүс олон зуун суваг үзэх
шаардлагатай болсноор түүний ашигтай талуудыг ойлгож мэдэх болсон юм.
www.T1771.Tk
