Дэлхий дахинд::

 Галт уулын дээгүүр үл таних нисдэг биет үзэгджээ (видео)


Латин Америкт оргилж буй Попокатепетль галт уулын бэлд уфологчид олноороо цугларч байгаа нь тэндхийн телевизийн сувгуудын дамжуулж байгаа мэдээтэй холбоотой юм. Хэрэг явдал болж буй газраас холгүйхэн хийгдсэн бичлэг дээр гэрэлтэж буй хэд хэдэн галт цэг уулын тал бүрээс нисч ирээд бөөгнөрөн доош шунгаж байгаа нь дүрслэгджээ.

Орон нутгийн телевизийн сувгуудаар цацагдсан энэ хар-цагаан дүрс бичлэг дэлхий даяар ер бусын үзэгдлүүдийг сонирхон судалдаг хүмүүсийн анхаарлыг татсан байна. Мексикийн энэ галт уул үл таних нисдэг биет судлаачдыг жинхэнэ утгаараа цуглуулжээ.

Чухам энэ газар харь гаригийн хүмүүсийн сонгож авсан газар байж магадгүй юм гэж тэд таамаглаж байгаа аж. Уфологчид галт уулыг харь гаригийн хүмүүсийн уулзалддаг галактик хоорондын газар нутаг хэмээх онолыг дэвшүүлдэг билээ.