Дэлхийд:
Хойд Солонгост хүний махан хүнстнүүдийг олны өмнө цаазлав
Умард Солонгост сүүлийн хэдэн жилийн дотор хүний махыг зооглосонд
буруутгагдаж дор хаяж гурван хүн олны өмнө цаазлагдсан бололтой.
БНАСАУ-аас дүрвэсэн 230 хүнд Сөүл орогнол олгосон билээ. Тэдгээр хүмүүс
мэдүүлэг өгөхдөө ийм зүйлийг ярьсан байна. Тэдний хэлснээр бол 2009 онд
Умард Солонгосын нэг иргэн жаахан охиныг мөчилж алаад махыг нь идсэн тул
олны өмнө буудан хороогдсон аж. 2006 онд яг ийм хэрэг хийсэн аав, хүү
хоёрыг мөн цаазлажээ.
Өмнөд рүү зугтсан нэгэн хүн цагдаагийн
газрын зарим нэг хавтаст хэргийг хулгайлж ирсэн гэнэ. Тэдгээр дотор
хүний махан хүнстнүүдийн талаар мэдээлсэн байна. Нэг эрэгтэй хамт
ажилладаг хүнээ алаад махнаас нь хэсгийг чанаж идээд, үлдсэнийг нь зах
дээр хонины мах гэж хэлэн зарах гэж яваад баригдсан тухай тэнд өгүүлжээ.
1990-ээд онуудын дундуур Умард Солонгост өлсгөлөн болсон бөгөөд хоёр
сая гаруй хүн тураалд орж үхсэн байдаг. Тэр үеэр хүмүүс хүний махыг
худалдаалж, идэж байсан юм. Өдгөө нөхцөл байдал сайжирсан ч хоол хүнсний
дутагдал бүрэн арилаагүй тул үе үе хүний махан хүнстнүүдийн тухай
мэдээлэгддэг аж.
