Эрүүл мэнд :
ХӨГШРӨЛТИЙН ГОЛ ШАЛТГААН ЮУ ВЭ?
Эрдэмтэд хүний амьдрах хугацааг уртасгах аргыг олох хүртлээ «сэтгэл
ханахгүй» нь мэдээж. 21 дүгээр зууны хоёрдугаар 10 жилтэй золгох гэж буй
энэ үед хүн төрөлхтөн дөнгөж 70-аас 80 насыг зооглож байгаа нь
харамсалтай. Тэгвэл бид 120 хүртэл наслах боломжтой гэдгийг олон тооны
судалгаагаар нотолсон билээ. Харин мөнхийн залуу байх «түлхүүрийг»
Америкийн эрдэмтэд олсон бололтой.
АНУ-ын Калифорни муж улсын Солка хүрээлэнгийн судлаачид эсийн
хөгшрөлтийн үндсэн шалтгааны нэг нь тухайн эс дотор удаан хугацаагаар
оршин байдаг уураг болохыг илрүүлсэн тухай membrana.ru цахим хуудсанд
бичжээ. Тэд нас бие гүйцсэн хархны уураг тархины нейроны цөмийн гадаргуу
дээр тухайн хархтай «нас чацуу» уураг байгааг илрүүлсэн байна.
Эсүүдийн доторх уургуудын ихэнхи нь ердөө хэдхэн өдөр, зарим нь бүр цаг, минут ч хүрэлгүй үхждэг ажээ.
Харин хэт удаан амьдардаг уураг /ELLP/ нь бие организмын амьд байх
бүхий л хугацаанд ямар ч өөрчлөлтгүйгээр ажилладаг болохыг профессор
Мартин Хецер ахлагчтай эрдэмтдийн баг олж тодорхойлжээ. Эрдэмтэд үүнийг
хөгшрөлтийн гол шалтгаан гэж үзэж байна.
Химийн болон бусад гэмтлээс үүдэлтэйгээр ELLP-ийн бүтцэд гарсан
гажуудал нь цөмийн дамжуулах сувгийн үйл ажиллагаанд нөлөөлдөг байна.
Үүний улмаас тэдгээр цөмийн давхаргуудын завсраар хорт бодисууд нэвтрэн
орж ДНК-д нөлөөлдөг ажээ. Энэ нөхцөлд эсийн хэвийн үйл ажиллагаа
алдагдах нь ойлгомжтой. Тиймээс химийн гэмтлүүд газар авах үйл явцыг
хязгаарлаж чадахуйц механизм олох хэрэгтэй юм.
Д.Жаргал
www.T1771.Tk
