Эрүүл мэнд::

ХДХВ- ын 146, 147 дахь тохиолдол бүртгэгдлээ


Наймдугаар сарын 26-ны өдөр ХӨСҮТ-ийн ДОХ/БЗДХ-ын тандалт судалгааны албанд сайн дураараа хандаж шинжилгээ өгсөн үйлчлүүлэгчийн сорьцод ХДХВ-ын халдвар илэрч онош батлагджээ. Энэ хүн 35-39 настай, эмэгтэй байна. Мөн наймдугаар сарын 27-ны өдөр ХӨСҮТ-ийн нэгдсэн лабораторид эрүүл мэндийн байгууллагаас онош баталгаажуулахаар ирүүлсэн сорьцод ХДХВ-ын халдвар илэрч онош батлагдсан байна. Энэ хүн 30-34 настай, эрэгтэй байна. Одоогоор дээрх хоёр хүний биеийн байдал нь хэвийн, тандалт судалгаа хийгдэж байгаа аж.

Түүнчлэн наймдугаар сарын 23-ны өдөр ХӨСҮТ-ийн нэгдсэн лабораторид орон нутгийн эрүүл мэндийн байгууллагаас онош баталгаажуулахаар ирүүлсэн сорьцод ХДХВ-ын халдвар илэрч онош батлагдсан нь 20-25 насны, эрэгтэй, гадны иргэн гэж байна. Энэ нь манай улсад гадаадын иргэнээс ХДХВ илэрч, оношлогдсон 18 дахь тохиолдол болж байгаа юм.