Other Video:: 

Мишель Обамагийн бүжиг YouTube-ийн хит болжээ


АНУ-ын Тэргүүн хатагтай Мишель Обамагийн "Late Night with Jimmy Fallon” шоун дээр бүжсэн бүжиг YouTube-ийн хит болсон аж. "Evolution of Mom Dancing” нэртэй бичлэгийг өнгөрсөн баасан гарагт тавьсан бөгөөд одоогоор түүнийг 1.2 сая гаруй хүн үзэж сонирхсон байна. Үүнээс 12 мянга гаруй хүн нь уг бичлэг тэдэнд таалагдсаныг өгүүлэв. Бичлэг дээр Мишель Обама эмэгтэй хүний хувцас өмссөн хошин шогийн жүжигчин Жимми Фэллоны хамтаар бүжгийн хэд хэдэн хөдөлгөөн үзүүлдэг юм.

Энэ үзүүлбэрийг Тэргүүн хатагтайн өрнүүлээд байгаа "Let’s Move” кампанит ажлын хүрээнд хийжээ. Мишель Обама зөв амьдралын хэв маягийг сурталчилдаг бөгөөд гол зорилго нь илүүдэл жинтэй тэмцэх явдал аж. Сүүлийн үед Америкийн сурагчид илүүдэл жинд өртөөд байгаа тул Тэргүүн хатагтай эцэг, эхчүүдийг хүүхдүүддээ үлгэр дууриал үзүүлж, идэвхтэй хөдөлгөөнд оршихыг уриалж байгаа юм. Өдгөө АНУ-д насанд хүрсэн гурван хүн тутмын нэг, таван хүүхдийн нэг нь илүүдэл жинд нэрвэгджээ. Тарган хүмүүсийнхээ тоогоор АНУ дэлхийд тэргүүлж байгаа билээ.