Video

Сүсэг нэгт ард түмэн сүйтгэгчдийн гарт үрэгдсээр байна /бичлэг/

Эрх чөлөө тусгаар тогтнол ямар чухал, басхүү ямар их хүч, хөдөлмөр, сэтгэлээр олддогийг Түвдийн ард түмэн бидэнд өдөр бүр сануулсаар байна. Алан хядлага, харгислал, дарангуйлал. Энэ бүхэнд тэд сөхрөөгүй, харин ч тэмцэлдсээр, дарангуйлагчидтай өөрсдийнхөөрөө "дайдсаар” байна. Түвд хэмээх агуу соёлтой ард түмэн дэлхийд тоологдохыг хүсч байна.

Өнөө цагийн дэлхийн хамгийн том хүчирхэг гүрэн болох Хятад улсаас ямар ч улс үндсэнтэн бэргэдэг. Тэдний өмнөөс гар далайх ямар ч улс байхгүй. НҮБ хүртэл энэ талаар ямар нэгэн арга хэмжээ авахгүй байгаа нь үүний тод нотолгоо. Харин тэд энэ олон жил амь биеэ хайрлалгүй тэмцэлдсээр… Ядруухан хэрнээ сэтгэлд нь гал асч байдаг энэ ард түмэн энэ цагийн эгэл баатар, эгнэшгүй зоригтон гэж хэлэхээс өөр юу гэхэв.
Гэвч сүсэг нэгт ард түмэн маань сүйтгэгчдийн гарт үрэгдсээр байна. Өдрөөс өдөрт хоригдсоор байна. Хэдэн тоо баримт дурдъя. Түвдүүд эх орон тусгаар тогтнолынхоо төлөө бараг 30 жил тэмцэж байна. Хамгийн сүүлд гарсан томоохон мөргөлдөөний үеэр буюу 2009 оны 1 дүгээр сарын 31-ний бослогын үеэр 220 хүн насбарж, 560 хүн баривчлагдаж, 1000 гаруй хүн сураггүй алга болжээ. Мөн зодуулсан бэртсэж гэмтсэн хүн 1294 байсан бол бүр сүм дотроо зодуулсан 988 лам байсныг энд дурдалгүй өнгөрч болохгүй.

 

Тэд ийнхүү өдрөөс өдөрт аав, ээж, ах дүү, хамаатан саднаа харгис дарангуйлагчдын гарт алдсаар байна. Та санаж байгаа бол өнгөрсөн долоо хоногтТүв¬дүүд БНХАУ-ын тугийг шатааж, өөрсдийн тугийг мандуулж байгаа болон Хятадын аюулаас хамгаалах хүчнийхэн хэдэн зуугаараа Түвдийн хот суурин газарт нэвтрэн энгийн номхон иргэдийг зодож байгаа бичлэг интернетээр цацагдсан.

 

Тус бичлэгт лам нарыг 10, 20 цэрэг нийлж байгаад хүний ёсноос гажуудаар тамлан зовоож байгааг дүрсэлжээ. Харин тэрхүү бичлэгийг үзүүлэх гэж байна. Энэхүү бичлэг дээр Хятадын цагдаа нар, гэм зэмгүй иргэдийг хэрхэн харгислан зодож байгааг харах болно. Мөн саяхан интернэтэд тавигдсан нэгэн бичлэгийг хамтадган хүргэе.