Бугуйн цагнаасаа интернэтэд холбогддог боллоо

 "Сони” компани ухаалаг цаг худалдаанд гаргажээ. Андройд үйлдлийн систем бүхий утастай Bluetooth-ээр шууд холбогдож ажилладаг юм байна. Утсанд ирсэн мессеж, дуудлага цаган дээр давхар ирдэг. Энэ нь утсаа цүнхэндээ, эсвэл хаа нэг газар мартчихдаг хүмүүсийн хувьд үнэхээр сайхан шийдэлд тооцогдож байна. Түүнчлэн "Твиттер”, "Facebook” зэрэг сүлжээнд холбогдож, шинэ мэдээллийг цагнаасаа хүлээн авах боломжтой. Үүнээс гадна нэмэлт холбоос суулгаж цаг агаарын мэдээ харах, гар утсан дээрх хөгжмийг удирдах, урдаа камергүй утсан дээр зургаа татуулах үедээ дүрсээ харах, зам хэмжигч болгож ашиглах зэрэг хүссэн бүх үйлчилгээг авах боломжтой гэнэ.