Газар дор байшинг худалдана

Дэлхий 12 дугаар сард сүйрнэ гэж инкүүд зөгнөсөн байдаг. Үүнд зарим хүн итгэж, газар дор байрлалтай сууц худалдаж авахад бэлэн байна. АНУ-ын Канзас муж улсад амьдардаг Ларри Холл гэгч авхаалжтай нэгэн хуучин хоргодох байрыг чинээлэг хүмүүст зориулсан тансаг өргөөболгон хувиргахаар шийджээ.

Түүний хэлснээр, хүмүүс наран дээр дэлбэрэлт болох, эдийн засгийн хямрал, өвчний цар дэгдэлт, террорист халдлага эсвэл хүнсний хомсдол зэргээс ямагт айн болгоомжилж байдаг. Тиймээс авхаалжтай эр газар дорх сууц барихад бараг дөрвөн сая долларын хөрөнгөоруулахаар шийджээ. Хүйтэн дайны үед барьсан хоргодох байр нь газрын гадаргаас доош 53 метр гүнд байрлах ба 14 давхар цамхагийг уруу нь харуулаад байрлуулсантай зүйрлүүлж болох аж.Гурван метрийн зузаантай бетонон ханууд нь атомын бөмбөгийн дэлбэрэлтэд ч тэсвэртэй юм. Хоргодох газар дотор 70 хүнийг хүнсээр хангалттай хангах хэмжээний хүнсний ногоо тариалах болон загас үржүүлэх "ферм"-тэй, усан сан, кинотеатр, номын сан, эмнэлэг болон сургуультай бий. Хоргодох байр руу орох орц өргөст тороор хүрээлэгдсэн, ажиглалтын камертай. Газар дорх байр хоёр сая орчим долларын үнэтэй. Одоо хоёр байр бэлэн болж эзнээ хүлээж байна.