Соёл урлаг ::

"Digital” хамтлагийн тоглолт тун удахгүй болно


Нэгэн үе залуусыг байлдан дагуулж байсан "Digital "хамтлагийн бүхий л дуу нь сонсогчдын дунд хит болж байсан үе саяхан. Харин тус хамтлаг уран бүтээлээ түр завсарлаж, фэнүүдээ гонсойлгож байсан ч олон сайхан дуу нь хүн бүхэнд ямарваа нэгэн дурсамжийг нь хадгалж байдаг болохоор одоо ч гэсэн бидний сэтгэлд тодхон байдаг нь гайхалтай.

Тэгвэл "Digital” хамтлагийнхан хүсэн хүлээсэн фэнүүддээ болон тус хамтлагийг сонсч, дэмждэг мянга мянган залуустаа зориулан энэ оны хоёрдугаар сарын 14-нд буюу гэгээн хайрын Валентины өдөр "Зүрх рүү” нэртэй өөрсдийн бие даасан тоглолтоо Улаанбаатар паласын концертын их танхимд тоглохоор болжээ. Тоглолтод 14-жилийн турш хийсэн уран бүтээлүүдээс сонсогчдынхоо сайн мэдэх шилдгийн шилдэг 20 уран бүтээлийг хүргэх бөгөөд тоглолтод урилгаар "Ice top” хамтлаг оролцож өөрсдийн ая дуугаа өргөх болно.

Мөн хөдөө орон нутгийн сонсогчдод зориулан тоглолтын маргааш буюу хоёрдугаар сарын 15-нд Дархан, 16-нд Эрдэнэт, 17-нд Хөтөл, 18-нд Сэлэнгэ, 19-нд Шарын гол, 20-нд Зүүнхараа хотуудад тус тус тоглох аж. Европын 12 улс, орнуудаар очиж хоёрдугаар сарын 25-наас гуравдугаар сарын 25-ныг хүртэл нэг сарын хугацаатай аялан тоглолтоо хийх юм байна. Тус хамтлагийн уран бүтээл болох Монголын хийморлиг эрчүүддээ зориулсан "Гандан буурахгүй” дуу нь сүүлийн үед залуусын саашаалыг хүртсэн сайхан дуу болсноо батлаад байгаа юм.