"Ялагдашгүй" олон ангит кино

Сүүлийн үед кино уран бүтээлчид телевизийн олон ангит кино руу хошуурах болсон нь нууц биш. Энэ нь кино урлагийн салбарт өрсөлдөөнийг бий болгоод зогсохгүй чанар чансаагаа бататгах чухал хүчин зүйл болж байна. Тэгвэл энэ төрөлд хүч үзэхээр нэгэн сонирхолтой бүтээл мэндэлсэн нь "Ялагдашгүй”.

Ален Арманы зохиол, "N”энтертайнмент студийн бүтээл болох "Ялагдашгүй” олон ангит кино нь өнөөгийн нийгмийн сэтгэл зүйд үлэмж дутагдаад байгаа ёс суртахуун, хайр дурлал, найз нөхөрлөл, хүн чанар, ноён нуруу нь хөрөнгө мөнгө, эрх мэдлээс илүү үнэ цэнэтэйг тод томруунаар харуулжээ.

Орчин үеийн нийгмийн ахуй, бодит үнэнийг илүү уран сэтгэмжит байдлаар, цаг хугацаа орон зайнд баригдалгүй, баялаг хийсвэрлэлтэйгээр харуулж, үйл явдлын өрнөлийг ёгт, егөөтэй хэсгүүдээр чимэглэжээ.

Харин жүжигчдийн хувьд монголын чадварлаг жүжигчид оролцон тоглосон бөгөөд нэрт найруулагч, МУАЖ Г.Жигжидсүрэн тус кинонд дүр бүтээсэн нь үзэгчдийн сонирхлыг ихэд татах биз ээ.

Мөн МУГЖ Б.Тунгалаг, Ц.Эрдэнэбат, Г.Оюунбат, Э.Энхманлай, Г.Баасан, Ч.Содтуяа, Д.Саратуяа, Ц.Эрдэнэцэцэг, Б.Билгүүнзаяа, Э.Амаржаргал, Б.Одсүрэн, М.Амаржаргал, Б.Батсайхан, Х.Баярбат, Д.Мөнхтөмөр, Д.Жаргалсайхан, Б.Тамир нар оролцон тогложээ.