Хип хопын урсгалын алтан үеийн амьд домог болсон "Onyx" хамтлаг Монголд ирж, тоглохоор болжээ. Тийм ч болохоор бүх л насны хип хоп сонирхогчид тэнд цугласан басхүү ойрд тоглогдоогүй хамгийн том хип хоп тоглолт болох биз ээ.

 "Onyx" хамтлаг нь 1989 онд New-York мужийн Queens хотод 4 гишүүнтэйгээр анхлан байгуулагдаж байсан бөгөөд хүнд хип хоп урсгалаар уран бүтээлээ туурвидаг хамтлаг юм байна. Тухайн үед ийм урсгалаар уран бүтээл туурвидаг цөөнгүй хамтлаг байсан ч одоо хэр нь уран бүтээлээ таслалгүй үргэлжлүүлж яваа нь "Onyx" хамтлаг юм. Одоо тус хамтлаг гурван гишүүнтэй бөгөөд өнгөрсөн хугацаанд олон дуу, олон цомог, олон тоглолт хийж байжээ. Тэдний 1993 онд гаргасан "Slam" нэртэй дуу нь хит болж, тэднийг урлагийн ертөнцөд хүчтэй гаргаж ирсэн гэхэд болно. Тухайн үедээ MTV болон радиогоор олон удаагийн давтамжтай цацагддаг байсан энэ дууг монголын залуус амьдаар нь сонсох боломж бүрдэж байна. Хамтлагийнхан аялан тоглолтынхоо ирэх сарын хуваарьт Монголыг багтаасан байна. Энэхүү тоглолтыг монголооос реппер GEE тэргүүтэй "Click click boom" хамтлагийнхан хамтран тоглох гэнэ.3 цаг 30 минут үргэлжлэх уг тоглолт 10 дугаар сарын 20-нд "Буянт-Ухаа" дахь спорт цогцолборт болох ажээ.Сонирхуулахад, "Onyx" хамтлагийнхан энэ онд "Cold Case Files: Vol 2" нэртэй шинэ цомгоо гаргажээ.