Элдэв шуугиан тарьдгаараа алдартай рэппер эр, дуучин Рианнагийн экс хайрт Крис Браун долоодугаар сарын 25-ныг хүртэл саатуулагдах аж. Тэр өдөр шүүхийн шинэ хуралдаан болох юм. Крис Брауны өмгөөлөгчид ийнхүү хугацаа хожихоор шийдсэн байна. Тэдэнд рэппер эрийн бие хамгаалагч Кристофер Холлосигийн мэдүүлгийг бэлэн болгоход хугацаа шаардлагатай байгаа гэнэ. Тэдний үзэж байгаагаар бие хамгаалагч эр Нью-Йорк хотод нэгэн эрэгтэйг зодсон хэрэгт буруутай аж. Тиймээс бие хамгаалагч нь андгайлж, энэ тухайгаа мэдэгдэх ёстой болов.

Бие хамгаалагч нь хохирогчийн биед түрүүлж халдсан гэнэ. Харин Холлоси өөрийг нь хэрэгт оруулаад эзэн нь мултрах гэж байна хэмээн үзжээ. Тэрбээр өөрийн бурууг хүлээхгүй байгаа юм. Иймд тэдний хэргийг тусгаарлан тус тусад нь шүүхээр болжээ. Хэрэв шүүх Крис Брауныг буруутай гэж шийдвэл сайн эр 1000 долларын торгууль хүлээсэн бөгөөд хагас жил хоригдох ялаар шийтгүүлнэ. Гэхдээ Браун өмнө нь торны цаана сууж байсан учир ял нь нэмэгдээд дөрвөн жил болж мэдэх гэнэ. - See more at: http://www.wikimon.mn/content/54240.shtml#sthash.f8lPmVnW.dpuf