Sport(Спорт)

Бухнууд финалд шалгарлаа

Монголын сагсан бөмбөгийн холбооны  "Пэпси" дээд лигийн плэй оффын  гурав дахь өдрийн тоглолтууд өчигдөр  спортын төв ордны А заалнаа үргэлжлэн явагдлаа.Энэ өдөр финалд өрсөлдөх нэг багийн  нэр тодорхой боллоо.  Бридж Констрашны Баянзүрх  Бүллс плэй оффын эхний шатанд учраа таарсан ШШГЕГ-ын  "Офицерууд" багийг 70:57-аар хожиж итгэл төгс ялалтыг байгууллаа. Дашрамд дурьдахад уг тоглолтонд Бухнуудын лидер Д.Хадли оролцоогүй боловч Ц.Азбаяр,Г.Баттөр нарын ашигтай ухаалаг тоглолт багтаа хожил авчирсан юм. Харин хоёр лидер тоглогчоо бэртэлд алдсан, дасгалжуулагчгүй Офицер багийхан эхний  гурван  үеийн турш  ойролцоо тоглосон боловч  дөрөвдүгээр үед оноогоо бариулж улмаар уг үеийн төгсгөл хэсэгт 10-0 -ийн харьцаатайгаар  өөрсдийн гайхалтай  тоглолтыг эхлүүлсэн улирлаа дуусгалаа.Магадгүй багийн гол онооны баатар  Од  дэндүү эрт буюу  хоёрдугаар  үед алдааны асуудалд орж сэлгээний сандалд шилжсэн нь хожигдлын гол шалтгаан  байсан болов уу.Ямартай ч Бухнууд сүүлийн  гурван  жил хоёр  дахь удаагаа финалд шалгаран үлдсэн нь энэ. Харин  Хасын Хүлэгүүд  гурав дахь тоглолтонд 76-61 харьцаагаар  илүүрхснээр цувралыг 2-1-ээр  тэргүүлж эхэллээ.  Хоёр  багийн тоглогчид талбай дээр үнэхээр гайхалтай өрсөлдөөнтэй тоглолтыг үзүүлсэн ба Плэй оффын уур амьсгал ордонд цугласан бүхэнд мэдрэгдэж байсан юм. Хүлэгүүдээс багийн хамгаалалтын ноён нуруу Кимарли Виллиамс уламжлал ёсоор бүх талын тэгш тоглолтыг үзүүлсэн бол түүнд Т.Санчир, М.Отгонмөнх нар тус бүр 10 -аас дээш оноо авч тус хүргэлээ.Харин эсрэг багаас  Цолмонхүү,  Одбаяр нараас өөр гялтайх тоглогч байсангүй. Цувралын дараачийн тоглолт маргааш  спортын төв ордны А заалнаа үргэлжлэн явагдана.