Эмэгтэйчүүдийн 12 орчим хувь нь эр хүний үрийн шингэнд харшилтай байдаг аж. Зарим тохиолдолд энэ харшил маш хүчтэй илэрдэг тул эр бэлгийн эстэй харшилдвал тухайн эмэгтэйг үхэлд хүргэж магадгүй цочролд оруулдаг гэнэ. Английн Манчестерийн их сургуулийн эрдэмтэн доктор Майкл Кэрролл ийм дүгнэлт хийсэн байна.

Түүний өгүүлснээр бол 20-30 настай эмэгтэйчүүд харшил гээч зүйлтэй хамгийн ихээр тулгардаг юм. Шинж тэмдгүүд нь харьцаанд орсноос хойш нэг цагийн дотор илэрдэг гэнэ. Цочрол, шээхэд эрхтэн хөндүүрлэх, экзем зэрэг шинж тэмдгүүд илэрнэ. Гэтэл эмэгтэйчүүд эдгээрийг бэлгийн замын халдвар авчихлаа гэж андуурдаг билээ. Харшил байж магадгүй гэдгийг эмч нар тэр болгон тогтоодоггүй учраас буруу эмчилгээ бичиж өгдөг байна.

Доктор Кэрролл харшилтай дөрвөн эмэгтэйг шинжилсэн аж. Мань хүн тэдний биед орсон үрийн шингэнээс эр бэлгийн эсийг салган харшлын сорилд хамруулжээ. Эр бэлгийн эсээс бус үрийн шингэнээс харшилж байсан нь тогтоогджээ. Тэгэхээр харшлын гол шалтгаан нь үрийн шингэнийг бүрэлдүүлэгч гликопротеин гэгч даавар бололтой. Түүнийг түрүү булчирхай ялгаруулдаг юм. Тэгэхээр тодорхой хавьтагчаас үүдэн харшилтай болно гэсэн ойлголт үгүй гэнэ. Энэ шингэн хүн бүрийн үрийн шингэн дотор байдаг аж. Туршилтаар бэлгийн харилцаанд орохгүй юм уу бэлгэвч хэрэглэсэн тохиолдолд харшлаасаа тэр эмэгтэйчүүд ангижирч байсан нь тогтоогджээ. Харин жирэмслэхийн хувьд тэрбээр үр суулгалт хийлгэхийг зөвлөж байна. - See more at: http://www.wikimon.mn/content/47967.shtml#sthash.NwX7Mu6B.dpuf