Зөвлөгөө::
Арьс арчилгаанд хоолны дэглэм чухал

Хоолны дэглэм бидний өдөр тутмын амьдралд голлох байр суурийг эзлэх боллоо. Энэ нь эрүүл саруул амьдрал болон арьс арчилгааны шилдэг аргад аль хэдийнэ багтжээ. Учир нь утсан мах, лаазалсан бүүтэгдэхүүн, хиам зэрэг хагас боловсруулсан бүтээгдэхүүний орц, найрлагад арьсны өнгөн хэсэгт тогтсон нөсөө, толбо үүсгэх "хүч”-тэй байдаг аж.Харин байгалийн гаралтай органик хоол хүнс арьсны ширхэг бүрийг тэтгэдэг бол багахан хэмжээний элсэн чихэр арьс зөөлрүүлэх хандлагатай гэнэ. Тэгэхээр сайхан арьстай байхын тулд их хэмжээний ус агуулдаг байцаа, сонгино, өргөст хэмх, улаан лооль зэрэг ногооноос гадна жимс жимсгэнийг хүнсэндээ сонгоорой.Ус хүний арьсны гидратад дэмжлэг үзүүлж, бие дэх хортой бодисыг гадагшлуулдаг байна. Ингэснээр арьсан дээр тогтсон нөсөө, толбо багасна.